Vamp tok festspela med storm
Med over 1000 tilskodarar fekk Vamp opp temperaturen i Ivar Aasen-tunet i går.
Laurdag kveld strøymde det som verka som heile Volda og Ørsta til Ivar Aasen-tunet. Billettsalet til konserten gjekk som aldri før - rundt 1000 menneske hadde sikra seg plass på førehand.
Kjende songar kom på rad og rekke frå Haugesundsbandet. «Fuglane vett», «Tir n’a noir» og «Månemannen» tok publikum med storm. Regnet frå morgonen gav seg, og sola skein igjennom etter eit par songar. Og tonane til Vamp var verkeleg i sitt rette element, omgitt av vakker natur.